Setu roll ar gouelioù :

Yaou 10 Gouere :
Kinniget 'vo gant Kelc'h keltieg " Eostiged Ar Stangala " e abadenn son-ha-gouloù anavezet " Breizh Side Storioù " war leurenn an Triskell Pont 'n Abad. Kampion Kendalc'h e Breizh, ar strollad glazik a zo brudet evit kalite hag orinelezh e arvestoù. En araok e vo dizoloet an Trio Ozan, o veskañ mouezhioù, binvioù hengounel ha arnevez, a lako ac'hanoc'h da gantreal e Breizh.

Gwener 11 :
Da lodenniñ war leurenn an Triskell e vo startijenn pemp arzhour, Dominique MOLARD, Yvon MOLARD, Ollivier LEROY, Stéphane SOTIN ha Jacques MOREAU en abadenn " Stok an Dans " o liammañ sonerezh hengounel, tonioù hag luskoù à vremañ. En araok lidet vo kampionoù Gouel ar Bredorezed : Kerlc'h Keltiek Ar Vro Vigoudenn Pont 'n Abad (Kampion Breizh War'l Leur 2007) ha Bagad Cap Caval (1añ e kampionat ar bagadoù 1añ rummad 2008). An daou strollas-se à ginnigo deoc'h o gwellañ leurannañ. Frommet e veoc'h gant an dilhadoù pinvidik, al livioù, an tonioù hag al leurennañ a live gant tud a vicher.

Sadorn 12 Gouere :
Gouel strewet er straedoù Kêr Pont 'n Abad gant dibunadeg ar vugale, kenstrivadeg gavotenn, micherioù kozh… Gant un tan-arvest-sonerezh bras war lenn ar C'hastell e echuio an nozhvezh.

Sul 16 Gouere :
Taol pennañ ar Gouel, an devezh-se a grogo gant un overenn vrezhoneg ba'Iliz Intron Varia ar Garmez heuliet gant un dibunadeg-abadenn er straedoù ar Ger. Goude kreisteiz e tañso ar strolladoù war al leurioù betek dilennadeg Rouanez Nevez ar Broderezed. En abardaez, goude Bale ar Sonerien hag Abadenn d'ar Rouanez e vo Fest-Noz kaset a-benn gand ar Sonerien Du war plasenn an iliz.

Evit muioc'h a ditourioù e c'hellit kejañ ganeomp dre al lec'hienn www.fetedesbrodeuses.com pe dre Ofis Touristelezh Pont 'n Abad, 02-98-82-37-99, plasenn ar Marc'hallac'h http://www.ot-pontlabbe29.fr.